Babu Bae Jagoan Komputer


Kepriwe rasane nek para tukang masak lan umbah-umbah terus nyekel komputer? Kasile internet rasa jangan thewel, senenge pamer panganan nang ruang chattingan. Jan, apa tumon komputer kawin karo pawon.

Para Babu Jagoan Komputer dan Internet Berkumpul di Hongkong

Kaya kuwe ece-ecean nang chattroom karo para tenaga kerja wedon (TKW) nang pirang-pirang negara sing tak lakoni. Contone Yu Fitri, TKW sekang Kawunganten, Cilacap nang Hongkong. Deweke sering dadi gurune inyong babagan utak-utik website. Fitri jagoan gawe portal atau website, padahal deweke mung jebolan Madrasah Ibtidayah. Siki aja ngomong, sing jere tau mangan bangku kuliahan kaya inyong, be hormat sinau karo deweke. Seh, sarjana malah blajar komputere karo babu.

Siki Yu Fitri, sebutanku karo Firti, nduwe portal dewek sing jenenge cilacap-online.com. Inyong uga cokan mbantu kirim tulisan. Nulis apa bae sing tak ngerteni, sing penting ora nglombo. Umpamane kedadean-kedadean sing ana nang Cilacap. Siki, web kuwe dadi rujukan wong-wong sing pengin ngerti babagan pegawean nang negeri liya karo babagan nang daerahe dewek.

Seliyane Yu Fitri, ana TKW sekang Nusawungu, Cilacap uga, sing pinter ngoprek internet lan komputer. Jenenge Kusiah. Yu Koes, aku sering nyeluk deweke, uga ra adoh beda karo Yu Fitri. Yu Kus nyambut gawe dadi babu dan Singapura. Kerjane masak, umbah-umbah, ngresiki umah, lan momong bocah sekolah. Yu Kus ngaku mung lulusan Sekolah Dasar (SD). Tapi, siki deweke nduwe weblog lumayan akeh sing dadi seksi uripe deweke.

Para babu-babu mau jan kudu dinei penghargaan sing gedhe. Dibanding web pemerintah Kabupaten Cilacap, web sing dikelola Yu Fitri luwih jos. Kiriman tulisane werna-werna, tur babagan sing dibahasa apik-apik. Dadi dunya maya dadi wadah tuker-tukeran info karo ndopok sing jos banget.

Nek sik para babu bae jago komputer lan internet, pemerintah apa ora isin yah ndableg tur pada gaptek (gagap teknologi). Siki pemerintah Kabupaten Cilacap ngetokna duwit akeh banget nggo tuku komputer lan mbangun jaringan internet. Tapi hasile, mung dadi anyel tok. Ude jere pelayanane tambah apik, malah ndesani banget, ya kuwe pada Korupsi.

Jan, inyong prihatin karo uteke pemerentah. Siki Bupati Cilacap arep disel gara-gara korupsi. Wingi Ketua DPRD-ne arep diukum gara-gara ijasah palsu. Mbok mikir, urip sing prasojo. Nek bingung ya pada sinau lan merguru karo Yu Fitri lan Yu Koes. Kaya kuwe mbok, sedulur.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s